ActividadesEncontros virtuais FGEPrograma TecEuropa Bolsas e axudas#EuroXuventudeProxectos FGEMemoria anualPublicaciónsPacto Europeo polo Clima

Ciclo de encontros virtuais FGE | Next Generation Galicia

 

Primeiro baixo o nome de "Galicia na recuperación económica da UE" e agora baixo o nome "FGE | Next Generation Galicia", a FGE puxo en marcha, en setembro do 2020, un ciclo de encontros virtuais co obxectivo de explicar na Xunta de Galicia as estratexias políticas e programas de financiamento que a UE está a deseñar para a súa aplicación no novo período financeiro 21-27, así como as iniciativas de resposta á crise económica causada pola Covid-19. Neste momento, este foro é o espazo clave no que a Xunta e os organismos europeos poden debater sobre estas cuestións. Esta información inicial permite á Xunta orientar a súa estratexia de cara a atraer parte destes fondos europeos a proxectos galegos. Co cambio de nome, a FGE desexa dar resposta á súa designación como estrutura de apoio técnico á comisión Next Generation Galicia, creada polo Goberno galego para identificar proxectos susceptibles de ser financiados polo instrumento europeo de recuperación NextGenerationEU.

Nos encontros celebrados, directores e outros funcionarios de case todos os departamentos da Xunta puideron escoitar da man de funcionarios europeos unha explicación sobre temas como, o futuro Fondo de Transición Xusta, a nova estratexia industrial da UE, a próxima xeración de fondos de política rexional, o instrumento temporal de recuperación  Next  Generation  EU e a Axenda Dixital Europea. En cada encontro están a participar entre 20 e 30 representantes da Xunta, especialmente de IGAPE,  GAIN,  Facenda, Augas de Galicia, Medio e Enerxía.

Estas reunións permiten comprender mellor a axenda europea para a programación dos fondos estruturais 21-27 en Galicia, así como para a preparación de bos proxectos que permitan atraer parte dos 140.000  M€ que se prevé poida recibir España a cargo do Mecanismo de Recuperación e Resiliencia (MRR), peza central do instrumento de recuperación. Neste momento, é esencial ter unha visión clara das distintas fontes de fondos que haberá dispoñibles para poder deseñar bos proxectos que cumpran cos seus obxectivos. Desde a Comisión Europea insisten na necesidade de asegurar unha adecuada complementariedade entre os recursos do MRR, dos fondos de cohesión, agricultura e pesca, e dos fondos propios.

Consulta toda a información sobre os econtros celebrados ata agora:

• 27 de xaneiro. As prioridades da Comisión Europea: repercusións para a administración rexional. Noticia e acta.

• 24 de febreiro. Os retos demográficos da UE. Noticia e acta.

• 24 de marzo. A posta en marcha do MRR. Noticia e acta.

• 27 de abril. O programa UEproSaúde 21-27. Noticia e acta.

• 26 de maio. O Pacto Verde Europeo. Noticia e acta.

• 7 de xullo. Economía azul sostible. Noticia e acta.

• 29 de setembro. Obxectivo 55. Noticia e acta.

• 28 de outubro. A posta en marcha do Plan de Recuperación español. Noticia e acta.

• 15 de decembro. Reforma do marco normativo das axudas estatais. Noticia e acta.

2020

• 16 de setembro. Mecanismo Europeo de Transición Xusta. Noticia e acta.
  

• 23 de setembro. A Nova Estratexia Industrial para Europa. Noticia e acta.

• 30 de setembro. Programación dos fondos estruturais 21-27 e os recursos do novo instrumento REACT-EU 20-22. Noticia e acta.
  

• 7 de outubro. Plan de Recuperación Europea. Noticia e acta.
  

• 21 de outubro. Os retos da UE no ámbito dixital. Noticia.

• 28 de outubro. As reformas estruturais en España no marco do Mecanismo de Recuperación e Resiliencia. Noticia e acta.

• 4 de novembro. O papel da I+D+i na recuperación económica. Noticia.

• 11 de novembro. O novo Plan de Acción para a Economía Circular. Noticia e acta.

• 18 de novembro. A política de biodiversidade da UE. Noticia.

• 2 de decembro. A PAC do Pacto Verde Europeo. Noticia e acta.

• 9 de decembro. O papel do BEI na política económica europea. Noticia . 

• 16 de decembro. A política de competencia da UE nun escenario de crise. Noticia.