Proxectos FGEProxectos Actuais: LIDERAProxectos actuais: EUROCIDADE_2020Proxectos anteriores: Eco-innova e EMPRENDE  
 
 
 

CATALIZADOR DE OPORTUNIDADES DE EMPREGO E EMPRENDEMENTO XOVE TRANSFRONTEIRIZO (acrónimo LIDERA)

Tendo como eixo e obxectivos do programa: Crecemento integrador a través dunha cooperación transfronteiriza a favor da competitividade empresarial. Dirixido a mellorar as condicións necesarias e propicias para a aparición de novas iniciativas empresariais.

Encadre do noso proxecto dentro do Programa:

• Eixo 2: Crecemento integrador a través dunha cooperación transfronteiriza a favor da competitividade empresarial. 
• Obxectivo temático 3: Mellorar a competitividade das pequenas e medianas empresas. 
• Prioridade de investimento 3: Promoción do espírito empresarial, en particular facilitando o aproveitamento económico de novas ideas e impulsando a creación de novas empresas, tamén mediante viveiros de empresas. 
• Obxectivo específico OE3A: Mellorar as condicións necesarias e propicias para a aparición de novas iniciativas empresariais.

Obxectivo do Proxecto LIDERA: Promover o desenvolvemento económico transfronteirizo a través da posta en valor das capacidades laborais e de emprendemento dos mozos do territorio.

As accións que levarán á consecución deses obxectivos dinamizarán o tecido empresarial transfronteirizo dado que impulsarán a posta en marcha de novas iniciativas empresariais e lograrán a inserción laboral da mocidades no territorio transfronteirizo.

A alta taxa de desemprego xuvenil é un reto compartido no conxunto do territorio, polo que se fai necesaria unha cooperación que permita reter á poboación máis nova na zona, e que esta sexa motor do impulso económico da mesma.

Resultados: O proxecto baséase na creación dunha rede solidaria coa que consolidar procesos de participación comunitaria e liderado xuvenil, desde a formación personalizada, orientación, o emprendemento e a innovación como resposta ás necesidades detectadas no territorio.

O conxunto das actividades concíbense como un proceso circular que pretende que unha vez finalizado o proxecto poida continuar retroalimentándose a si mesmo. O principal resultado do conxunto das actividades é a posta en marcha de novas iniciativas empresariais, a consolidación que aquelas recentemente iniciadas, e a inserción laboral de mozas do territorio. As persoas beneficiarias directas dos resultados serán a poboación máis nova do territorio.

SOCIOS:

• Xefe de Fila: Dirección Xeral de Xuventude, Participación e Voluntariado
• Fundación Galicia Europa
• Cámara Oficial de Comercio, Industria, Servicios y Navegación de Santiago de Compostela
• Instituto Português do Desporto e da Juventude (IPDJ)
• Federación Nacional de Asociaciones Juveniles Portuguesa (FNAJ)

 

Todas as novas relacionadas co proxecto LIDERA se poden atopar no seguinte enlace.