Saúde e Consumidores

TERCEIRO PROGRAMA DE ACCIÓN NO EIDO DA SAÚDE

Neste programa de traballo establécense as prioridades e accións que van ser levadas a cabo, incluíndo a asignación de recursos, para aplicar o Terceiro Programa de Acción da Unión no eido da saúde (2014-2020).

SAÚDE ANIMAL E DAS PLANTAS

O programa pretende contribuír a conseguir un alto nivel de saúde para as persoas, animais e plantas ao longo da cadea alimentaria, apoiando normas de control de riscos que reforcen a erradicación das enfermidades animais e das pragas vexetais.

PROGRAMA DE CONSUMIDORES

O Programa plurianual de Consumidores para o período 2014-2020 apoia a política de protección dos consumidores da UE, cuxo obxectivo é axudar aos cidadáns a exercer plenamente os seus dereitos como consumidores dentro do Mercado Único, contribuíndo así ao crecemento económico e a innovación na UE.

SAÚDE PARA O CRECEMENTO

O Programa de Saúde para o Crecemento fai fincapé nos vínculos entre o crecemento económico e unha poboación saudable. O fomento da boa saúde forma parte dos obxectivos de crecemento intelixente e inclusivo de Europa 2020, toda vez que a Unión concentrará a súa actividade nunha serie de áreas prioritarias onde reforce a acción dos estados: a innovación en materia de saúde pública e a capacitación dos cidadáns, a redución das desigualdades sanitarias, a promoción da saúde e a prevención das enfermidades no contexto do envellecemento da sociedade.