Educación, Cultura e Deporte

EUROPA CREATIVA

Europa Creativa é o novo programa da UE que, no marco da Estratexia Europa 2020, apoia os sectores culturais, creativos e
cinematográficos. Europa Creativa reúne nun só os programas do período 2007-2013 Cultura, MEDIA e MEDIA MUNDUS. Como novidade, inclúese un novo instrumento de garantía para facilitar o financiamento de pemes e organizacións dos sectores culturais e creativos.

EUROPA COS CIDADÁNS 2014-2020

O programa Europa cos Cidadáns é o novo programa da UE que substitúe ao anterior programa do período 2007 – 2013 do mesmo nome, e que trata de fomentar unha mellor comprensión da actividade da UE, así como lograr unha maior participación cidadá nas políticas europeas.

ERASMUS+

Este programa creouse no período 2014-2020 e reúne sete programas europeos anteriores nas materias de educación, formación e xuventude. Ademais, inclúe tamén o deporte por primeira vez.