Axenda FGE

Aluguer de sala

Transparencia

Convocatorias UE

HÉRCULES III

O programa Hércules III está dedicado á loita contra a fraude, a corrupción e calquera outra actividade ilegal que afecte aos intereses financeiros da UE, incluída a loita contra o contrabando e falsificación de tabaco. O programa axuda ás autoridades nacionais na súa loita contra as actividades ilegais transfronteirizas mediante o financiamento de apoio técnico e operativo, e actividades de formación profesional.

XUSTIZA

O Programa Xustiza contribuirá a impulsar o desenvolvemento dun Espazo Europeo de Xustiza mediante o fomento da cooperación xudicial en materia civil e penal, substituíndo aos programas de acción neste ámbito que se desenvolveron durante o período 2007-2013.

O Programa de Xustiza é o sucesor dos programas Xustiza Civil (JCIV), Xustiza Penal (JPEN) e Programa de Información e Prevención en materia de Drogas (DPIP).

PROGRAMA MARCO DE DEREITOS FUNDAMENTAIS E XUSTIZA

Fomenta o desenvolvemento dunha sociedade civil europea asentada no respecto aos dereitos fundamentais e na loita contra a violencia e a intolerancia.

SEGURIDADE E DEFENSA DAS LIBERDADES: PREVENCIÓN E LOITA CONTRA A DELINCUENCIA

Accións encamiñadas a velar pola seguridade dos cidadáns europeos a través da prevención e da loita contra os delitos.

SEGURIDADE E DEFENSA DAS LIBERDADES: PREVENCIÓN, PREPARACIÓN E XESTIÓN DAS CONSECUENCIAS DO TERRORISMO E DOUTROS RISCOS EN MATERIA DE SEGURIDADE

Axuda aos Estados membros a emprender medidas no ámbito da prevención e protección dos cidadáns e das infraestruturas estratéxicas ante as ameazas terroristas e outros riscos.

SOLIDARIEDADE E XESTIÓN DOS FLUXOS MIGRATORIOS: FONDO PARA O RETORNO

Ofrece apoio a os Estados membros para que xestionen a política de retorno de cidadáns de forma integrada.

SOLIDARIEDADE E XESTIÓN DOS FLUXOS MIGRATORIOS: FONDO PARA REFUXIADOS

Apoia e fomenta os esforzos dos Estados membros co fin de acoller aos refuxiados e persoas desprazadas.

SOLIDARIEDADE E XESTIÓN DOS FLUXOS MIGRATORIOS: FONDO PARA A INTEGRACIÓN DE NACIONAIS DE TERCEIROS PAÍSES

Facilitar a integración de nacionais de terceiros países con diversas orixes económicas, sociais, culturais, relixiosas, lingüísticas e étnicas que reúnan as condicións de residencia.

SOLIDARIEDADE E XESTIÓN DOS FLUXOS MIGRATORIOS: FONDO PARA AS FRONTEIRAS EXTERIORES

Contribúe a mellorar e coordinar a vixilancia sobre as fronteiras exteriores e a harmonización da política de visados.