Axenda FGE

Aluguer de sala

Transparencia

Convocatorias UE

Programa

CULTURA

Base Legal

Decisión nº 1855/2006/CE do Parlamento Europeo e o Consejo, do 12 de decembro de 2006, que establece o Programa Cultura (2007-2013).

Duración

Período 2007-2013.

Obxectivos

O obxectivo xeral do programa é contribuír a avanzar cara a un espazo cultural europeo común a través do desenvolvemento dunha maior cooperación cultural entre creadores, actores culturais e institucións culturais dos países participantes.

Os obxectivos específicos do programa son:

• promover a mobilidade transfronteiriza dos traballadores do sector cultural.
• favorecer a circulación transfronteiriza das obras e producións artísticas e culturais.
• favorecer o diálogo intercultural.

Eidos de actuación

Os obxectivos do programa serán perseguidos a través da aplicación das seguintes medidas:

1. Apoio ás accións culturais:

• Proxectos de cooperación plurianual: o Programa Cultura apoiará os proxectos de cooperación plurianual, cun mínimo de 6 socios e unha duración de entre 3 e 5 anos na súa fase inicial e de estruturación ou na súa fase de extensión xeográfica.

• Accións de cooperación: o programa apoia accións de cooperación cultural de natureza sectorial ou transectorial entre un mínimo de operadores europeos e cunha duración de dous anos.

• Accións especiais: para poder optar aos fondos as accións especiais deben ter un alcance importante, contribuír a incrementar a toma de consciencia dos europeos da súa pertenza a unha mesma comunidade e favorecer o diálogo intercultural e internacional.

2. Apoio aos organismos activos a nivel europeo no eido da cultura:

Esta axuda consagrarase aos gastos ligados ao programa de traballo permanente de organismos de interese xeral europeo no dominio da cultura. Poderán beneficiarse desta axuda grupos cun mínimo de 7 socios que actúen a favor da cooperación cultural a través de funcións de representación, difundindo informacións que favorezan a cooperación cultural, estruturando redes a nivel europeo, participando en proxectos de cooperación cultural ou actuando como embaixadores da cultura europea.

3. Apoio aos traballos de análise e difusión de información e á optimización do impacto dos proxectos no eido da cooperación cultural:

Co obxectivo de difundir informacións prácticas sobre o programa e favorecer a súa promoción, prevese a creación de puntos de contacto, que tamén poderán recibir axudas. Baixo este capítulo, tamén poderá apoiarse a realización de estudos de análise no campo da cooperación cultural europea e da elaboración de políticas culturais europeas, e accións que teñan por obxectivo optimizar o impacto dos proxectos a través do intercambio de experiencias e boas prácticas.

Destinatarios

Empresas e operadores do sector cultural sen ánimo de lucro, exceptuando o eido do audiovisual.

Financiamento

O programa dispón dun orzamento de 400 millóns de euros.

Enlaces de Interese

• Páxina do Programa Cultura
• Punto de contacto Cultural en España
• Infoday 2011
• Forum Europeo de Cultura 2011
• Infodays 2012

Contacto

Education, Audiovisual & Culture Executive Agency
Programme Culture (2007–2013)
(Capítulo do programa que solicita)
Avenue du Bourget 1
(BOUR 04/13)
B – 1140 Bruxelles/Brussel
BELGIQUE/BELGIË