Axuda Externa

Programa

Programa de sensibilización e educación para o desenvolvemento (DEAR)

Duración

Non consta.

Obxectivos

O Programa DEAR é desenvolvido, fundamentalmente, a través de accións implementadas por actores non estatais e autoridades locais na UE e en Estados candidatos. Os seus obxectivos son:

-Informar ós cidadáns e cidadás da Unión sobre cuestións de desenvolvemento e fomentar a sensibilización e a comprensión do desenvolvemento global, así como o recoñecemento da interdependencia.

-Mobilizar o apoio do gran público de cara a accións contra a pobreza e relacións máis xustas entre Estados en desenvolvemento e Estados desenvolvidos.

-Cambiar actitudes e ofrecer ó público europeo ferramentas coas que poidan comprometerse criticamente cos desenvolvementos globais e apoiar a emerxencia de novas ideas e cuestións de desenvolvemento.

Eidos de actuación

-Apredizaxe global, coa finalidade de promover o coñecemento e as competencias para ter máis contacto coas cuestións de desenvolvemento, a través do uso de metodoloxías educativas que empregan a participación e as experiencias, xa sexa dentro ou fora do sistema formal de educación.

-Defensa e loita, onde o obxectivo é apoiar o compromiso cidadán e a loita por políticas máis sustentables, estruturas políticas e económicas e prácticas individuais en relación co desenvolvemento global.

Destinatarios

Depende da convocatoria, pero en xeral organizacións da sociedade civil e entidades asociadas a elas.

Financiamento

Non consta.