Axenda FGE

Aluguer de sala

Transparencia

Convocatorias UE

Programa

COSME

Base Legal

Regulamento (UE) n.º 1287/2013 do Parlamento Europeo e do Consello da 1 de Decembro 2013 que establece o Programa para a Competitividade das Empresas e para as Pequenas e Medianas Empresas (COSME) (2014 -2020) e polo que se derroga a Decisión n.º 1639/2006/CE

Duración

2014 - 2020

Obxectivos

O obxecto de COSME é reforzar a competitividade e a sostibilidade das empresas da UE, fomentando a cultura do emprendimiento e promovendo a creación e o crecemento das pemes.

Eidos de actuación

1. Acceso ao financiamento: Case 1.400 millóns EUR dos 2.300 millóns do presuposto de COSME asígnanse a dous tipos de instrumentos financeiros, cos que se pretende complementar as medidas nacionais de financiamento das pemes:
   
   
   
   • Un Instrumento de Garantías de Préstamo (Loan Guarantee Facility) ofrecerá ás pemes garantías directas ou outras modalidades de risco compartido para cubrir préstamos de ata 150 000 EUR;
     
     
   • Un Instrumento de Capital para o Crecemento (Equity Facility for Growth) que se centrará en fondos que proporcionen financiamento de capital risco, como os préstamos subordinados e participativos, para empresas en expansión e en fase de crecemento, en particular aquelas que realizan actividades transfronteirizas.
   
   Estes dous instrumentos poñeranse en marcha sempre a través de intermediarios financeiros.
   
   
2. O acceso aos mercados consiste en servizos de apoio a empresas concretas, que se prestarán principalmente a través da Rede Europea de apoio ás Empresas (Enterprise Europe Network). Esta centrarase na internacionalización das pemes, facilitando a súa expansión e a cooperación transfronteiriza. Tamén existen servizos de asistencia para os dereitos de propiedade intelectual e industrial en Europa, China, ASÉANA e Mercosur.
   
   
3. Mellorar as condicións marco lograrase a través do apoio á aplicación da política da UE en materia de pemes, así como a través de cambios na carga administrativa e normativa innecesaria que soportan as pemes, tanto de nova creación como xa existentes.
   
   
4. As actividades de fomento do emprendimiento incluirán o desenvolvemento de competencias e actitudes empresariais, sobre todo entre novos empresarios, mozos e mulleres, así como o programa de intercambio Erasmus para emprendedores.

Destinatarios

COSME vai destinado a:

1. Os empresarios, en especial as pemes que se beneficiarán dun acceso máis doado ao financiamento para o desenvolvemento, a consolidación e o crecemento das súas empresas.
   
2. Os cidadáns que queren traballar por conta propia e que encontren dificultades en establecer os seus negocios.
   
3. Autoridades dos Estados membro tanto a nivel estatal, rexional e local beneficiaranse de asistencia nos seus esforzos de poñer en práctica unha reforma política eficaz, especialmente a través de estatísticas e datos fiables a nivel comunitario, o intercambio de boas prácticas e o apoio financeiro para desenvolver a competitividade sostible a nivel global.

Financiamento

2.300 millóns de euros. Polo menos o 60% do presuposto destinarase aos instrumentos de financiamento.

Comentarios

A través do sitio web ”acceso ao financiamento da UE” pódense consultar as entidades financeiras que subscribiron acordos co Fondo Europeo de Investimentos para poñer en marcha os instrumentos financeiros de COSME.

Enlaces de Interese

• Web da Comisión sobre o programa COSME
• Programa de traballo 2014
• Portal de acceso ao financiamento europeo para empresas
• Portal Europeo para as pemes

Contacto

A rede Enterprise Europe Network está representada en Galicia a través de
tres organismos:

• CIS Galicia (Centro de Innovación e Servizos para o deseño e a tecnoloxía):
apoia a transferencia de tecnoloxía entre empresas e a súa participación
en programas de financiamento comunitario, especialmente naqueles
relacionados coa I+D+i. Contacto: galactea@cisgalicia.org

• IGAPE (Instituto Galego de Promoción Económica): informa e asiste ás
empresas en temas comunitarios, promove a cooperación empresarial e apoia
a súa participacion en programas europeos. Contacto: internacionalizacion@
igape.es

• CEG (Confederación de Empresarios de Galicia): presta información
e asistencia ás empresas en temas europeos, promove a cooperación
empresarial, transmite á Comisión Europea as opinións das empresas galegas
e apoia a súa participación en programas europeos. Contacto: euroinfo@ceg.
es

Convocatorias

Pechadas

06/06/2018 -

15/06/2018 - COS- PPI-2018-2-01: Cofinanciación de consorcios para a contratación pública de innovación

25/07/2018 - Prediagnóstico de propiedade intelectual (IP) e mellora do acceso á protección mediante patente para pemes innovadoras da UE

14/05/2019 - COS-EYE-2019-4-01. Erasmus para Xoves Emprendedores