Axenda FGE

Aluguer de sala

Transparencia

Convocatorias UE

Programa

UE GATEWAY

Duración

Período 2008-2015.

Obxectivos

O programa Gateway creouse no ano 1994, para reducir o déficit da balanza comercial da Unión Europea con Xapón, así como as dificultades de acceso a este mercado. A UE vén fomentando, desde entón, a exportación e o intercambio comercial entre Europa e Xapón, e, desde 2008, Corea.

O novo programa (2008-2015) segue apoiando ás empresas europeas a establecer relacións comerciais con posibles socios xaponeses e coreanos. As empresas están convidadas a participar en misións comerciais dunha semana de duración na cal poderán mostrar os seus produtos a posibles clientes xaponeses ou coreanos. Prográmanse, polo menos, unha misión comercial por sector e por país de destino, e está previsto que as empresas non pasen de 40 no caso de Xapón e de 30 no caso de Corea.

Eidos de actuación

Son 6 sectores:

1. Tecnoloxías da Información e Comunicación (TIC´s): Xapón

2. Saúde e tecnoloxías médicas: Xapón e Corea

3. Construción e tecnoloxías da edificación: Xapón e Corea

4. Deseño de interiores: Xapón

5. Medio Ambiente ou tecnoloxías enerxéticas: Xapón e Corea

6. Deseño de moda: Xapón.

Destinatarios

Os requisitos das empresas europeas beneficiarias son:

• traxectoria profesional mínima de 5 anos;

• sede e ámbito na Unión Europea;

• experiencia en cooperación nos negocios internacionais;

• sólida estratexia de negocio así como persoal suficiente e capacitado para penetrar nos mercados xaponeses e coreanos;

• capital social de orixe europea.

Financiamento

Este programa financiará o custo dunha ampla gama de servizos para o exportador, como son a preparación das axendas de contactos específicas, os servizos de intérprete, o aloxamento e, nos casos de participación agrupada en feiras, o custo do espazo expositivo básico.

Os importes son:

• Ata 1.000 euros para os custos de aloxamento (unha habitación por empresa).

• Ata o 80% do custo de servizos personalizados, cun máximo de 1.600 euros por empresa.

O programa ofrece os seguintes beneficios ás compañías europeas:

1. servizos de asesoramento profesional dirixidos á explotación dos seus negocios nos novos mercados;

2. asistencia no desenvolvemento e posta en marcha da plataforma de asociación con empresas xaponesas ou coreanas;

3. soporte loxístico durante a semana que dura a misión comercial (viaxe, aloxamento e contactos);

4. servizos personalizados: intérpretes, tradución de documentos, impresión de folletos,etc.

Comentarios

Cada empresa pode participar nun máximo de seis misións comerciais, tres por cada país.

Enlaces de Interese

• Páxina web do programa EU GATEWAY

Contacto

Oficina da Comisión Europea en Xapón
Tokio
Tel.: 03-5228-0630
Fax: 03-5228-0631
E-mail: gatewayoffice@witan.co.jp

Oficina de Bruxelas: brusselsoffice@eu-gateway.eu