Se queres recibir a actualidade da UE no teu correo: noticias, convocatorias, procura de socios...
METP - PROGRAMA DE INTERCAMBIO E FORMACIÓN DE DIRECTIVOS UE-CHINA
Período 2006-2010.
METP (do inglés EU-China Managers Exchange and Training Programme) é un proxecto intergobernamental de 5 anos de duración posto en marcha en 2006 coa iniciativa da Comisión Europea e o Goberno da República Popular de China. As súas finalidades son:
Apoiar o proceso de reforma chinés e promover o mutuo entendemento entre China e a UE mediante o desenvolvemento dos Recursos Humanos.
Satisfacer a demanda de cooperación entre a UE e China na mellora da xestión e intercambio cultural dos actores clave, tanto en sectores que busquen beneficios coma os sen ánimo de lucro.
A totalidade do programa abrangue as seguintes accións: formación de directivos chineses e europeos, desenvolvemento de capacidades e habilidades interculturais, cooperación coa EUCMA - Asociación de directivos da UE-China e capacitación das institucións chinesas.
Durante o METP, os directivos europeos elixidos reciben sete meses de formación en idioma chinés comercial e formación intercultural, asisten a seminarios deseñados á súa medida e realizan visitas a compañías, cidades e organismos administrativos chineses. Así mesmo, os participantes realizan prácticas profesionais de tres meses nunha empresa do país.
Poden acollerse a este programa pemes, empresarios independentes e organizacións non gobernamentais (ONG).
O orzamento total do programa é de 23 millóns de euros, dos que a UE achega algo máis de 17.
Os graduados recibirán un diploma oficial asinado polo embaixador da UE en China.
METP Beijing Office
Suite 507, Towercrest Praza (Xinhengji Dasha)
100016, PR CHINA- Beijing
Tel.: 86-10-8458 0585
Fax: 86-10-8458 0965
E-mail: info@metp.net.cn
© Fundación Galicia Europa
Inicio Contacto Mapa Web Política de privacidad Política de Cookies Perfil de contratante