Axenda FGE

Aluguer de sala

Transparencia

Convocatorias UE

Programa

MEDIDAS DE INFORMACIÓN NO EIDO DA POLÍTICA AGRÍCOLA COMÚN

Base Legal

Regulamento (CE) do Consello nº 814/2000 sobre as medidas de información no ámbito da política agrícola común, (DOCE L 100/07, de 20.4.2000), onde se definen o tipo e contido das medidas que poden ser financiadas.

Regulamento (CE) nº 2208/2002 da Comisión, do 12 de decembro do 2002, modificado polo regulamento 1820/2004 da Comisión, do 20 de outubro de 2004, que establece as disposicións de aplicación do Regulamento (CE) nº 814/2000 do Consello.

Obxectivos

A Comisión Europea subvenciona actuacións que teñan como obxectivo informar sobre os seguintes aspectos da Política Agrícola Común (PAC):

• a) explicar a política, contribuír á súa aplicación e desenvolvemento;
  
• b) promover o modelo agrícola europeo e facilitar a súa comprensión;
  
• c) informar aos agricultores e outros protagonistas do mundo rural;
  
• d) sensibilizar á opinión pública sobre a importancia desta política e os seus obxectivos.

Eidos de actuación

Poderán acollerse a estas subvencións actividades como conferencias, os seminarios, as visitas de información, as publicacións, as producións audiovisuais e multimedia, as campañas de información e as actividades dirixidas a colexios e universidades.

Destinatarios

Só se admitirán solicitudes de persoas xurídicas establecidas nalgún Estado membro da UE cunha antigüidade mínima de dous anos tal como:

• a) organizacións de agricultores ou de desenvolvemento rural;
  
• b) asociacións de consumidores;
  
• c) asociacións de protección do medio ambiente;
  
• d) organizacións non gobernamentais;
  
• e) poderes públicos dos Estados membros;
  
• f) medios de comunicación;
  
• g) centros escolares e universitarios.

Financiamento

A convocatoria conta cun orzamento total de 3.250.000 euros. A Comisión achegará como máximo o 50% dos custos da actividade, excluíndo os gastos de persoal.

Comentarios

A convocatoria para realizar actividades en 2011 pechou o pasado 5 de novembro. O proceso de avaliación das propostas remata o 30 de abril, e os proxectos escollidos realizaranse entre o 1 de maio de 2011 e o 30 de abril de 2012. Presumiblemente, a convocatoria para 2012 publicarase a finais de verán deste ano.

Enlaces de Interese

• Páxina do programa

Contacto

Comisión Europea
Unidade AGRI. K.1.
Convocatoria de propostas 2010/C 231/05
Á atención do Sr. H.E. Barth
L130 4/148A
1049 Bruxelles/Brussel
BELGIQUE/BELGIËES