Se queres recibir a actualidade da UE no teu correo: noticias, convocatorias, procura de socios...
SWITCH ASIA
Estratexia rexional para Asia 2007-2013 da Comisión Europea, baseada na comunicación da Comisión Europea COM (2001) 469 final ”Un marco estratéxico para consolidar as asociacións entre Europa e Asia”.
Período 2007-2013.
Promover o uso de tecnoloxías e prácticas respectuosas co medio ambiente.
Promover o cambio cara modos de consumo de produtos e servizos menos daniños co medio ambiente.
Reforzar e levar a cabo instrumentos legais en materia medioambiental e de seguridade.
Desenvolver e aplicar instrumentos económicos que apoien o consumo e a produción sostible.
Asociacións de ONG que poñan en marcha proxectos de cooperación no eido do desenvolvemento sostible entre Europa e Asia, tales como cámaras de comercio, asociacións industriais e profesionais, administracións públicas a nivel rexional ou local, centros de investigación e axencias de desenvolvemento.
Estas organizacións deben mostrar capacidade para atraer un grande número de pemes ou grupos de consumidores. As propostas con intermediarios como asociacións de empresas, asociacións industriais, minoristas ou cámaras de comercio serán especialmente benvidas.
Esíxese un mínimo de dous socios, un asiático e outro europeo.
Países europeos que poden participar: Austria, Bélxica, Bulgaria, Chipre, República Checa, Dinamarca, Estonia, Finlandia, Francia, Alemaña, Grecia, Hungría, Irlanda, Italia, Letonia, Lituania, Luxemburgo, Malta, Holanda, Polonia, Portugal, Romanía, Eslovaquia, Eslovenia, España, Suecia, Reino Unido.
Países asiáticos que poden participar: Afganistán, Bangladesh, Bhutan, Camboia, China (excluíndo Hong Kong, Macao, e Taiwan), India, Indonesia, Corea do Sur, Laos, Myanmar, Malasia, Maldivas, Mongolia, Nepal, Pakistan, Filipinas, Sri Lanka, Tailandia, Vietnam. Organizacións de Hong Kong, Macao, Taiwan, Brunei e Singapur tamén poderán participar como socios.
Este programa ten un presuposto para este período de 150 millóns de euros. Finánciase con cargo ao Instrumento de Financiamento da Cooperación ao Desenvolvemento, sendo os 30 proxectos elixidos cofinanciados nun 80 ou 90%.
European Commission
EuropeAid Co-operation Office
B - 1049 Bruxelles/Brussel
BELGIQUE/BELGIË
Email: EUROPEAID-info@ec.europa.eu
© Fundación Galicia Europa
Inicio Contacto Mapa Web Política de privacidad Política de Cookies Perfil de contratante