Axenda FGE

Aluguer de sala

Transparencia

Convocatorias UE

Programa

INSTRUMENTO DE FINANCIAMENTO DA COOPERACIÓN AO DESENVOLVEMENTO (ICD)

Base Legal

Regulamento 1905/2006 de 18 de decembro de 2006, polo que se establece un Instrumento de Financiamento da Cooperación ao Desenvolvemento.

Duración

Período 2007-2013.

Obxectivos

O obxectivo xeral deste instrumento de cooperación será a erradicación da pobreza nos países e rexións socios no contexto do desenvolvemento sustentable, mediante a prosecución dos Obxectivos de Desenvolvemento para o Milenio (ODM), e a promoción da democracia, o bo goberno e o respecto dos dereitos humanos e do Estado de Dereito.

Eidos de actuación

A Comunidade financiará medidas de apoio á cooperación cos países, territorios e rexións en desenvolvemento incluídos na lista de beneficiarios do Comité de Asistencia para o Desenvolvemento da organización de Cooperación e Desenvolvemento Económicos (CAD-OCDE).

Así mesmo, a Unión financiará programas temáticos en países, rexións e territorios que cumpran as condicións para acollerse á asistencia dun dos programas xeográficos establecidos, á asistencia establecida ou á cooperación xeográfica de conformidade co Fondo Europeo de Desenvolvemento (FED).

A axuda comunitaria aplicarase mediante os programas xeográficos e temáticos seguintes:

• Programas geográficos, dotados con 10.057 millóns de euros:

  Os programas xeográficos cubrirán as actividades de cooperación, nos ámbitos axeitados, con países e regións socios determinados seguindo un criterio xeográfico.

• Programas temáticos, dotados con 5.596 millóns de euros:

  Os programas temáticos estarán subordinados aos programas geográficos e tratarán un tema ou un ámbito específico que afecte a un conxunto de países socios non determinados por criterios xeográficos, ou ben cubrirán actividades de cooperación dirixidas a distintas rexións ou grupos de países socios, ou levarase a cabo unha actuación internacional sen base xeográfica específica.

  O Regulamento establece cinco programas temáticos que se refiren a:

  • Investir nos cidadáns, dotado con 1.060 millóns de euros.
  • Medio ambiente e xestión sustentable dos recursos naturais (804 millóns de euros).
  • Axentes non estatales e autoridades locais no desenvolvemento (1.639 millóns de euros).
  • Seguridade alimentaria (1.709 millóns de euros).
  • Migración e asilo (384 millóns de euros).
  • *Programa de medidas de acompañamento a favor dos 18 Países ACP signatarios do Protocolo do Azucre 1.244 millóns de euros).

Destinatarios

• Os países e rexións socios e as súas institucións.
• As entidades descentralizadas dos países socios, como municipios, provincias, departamentos e rexións.
• Os organismos mixtos instituídos polos países e rexións socios e a Comunidade.
• As organizacións internacionais, incluídas as organizacións rexionais, os organismos, servizos ou misións das Nacións Unidas, as institucións financeiras internacionais e regionais e os bancos de desenvolvemento.
• As institucións e órganos da Comunidade, unicamente no marco da execución das medidas de apoio.
• As axencias da UE.
• As entidades u organismos seguintes dos Estados membros, os países e rexións socios ou de calquera outro ter Estado.

Financiamento

Hai un orzamento total de 16.897.000.000 €.

Formas de financiamento:

• Proxectos e programas.

• Apoio presupuestario, cando a xestión do gasto público do Estado socio sexa suficientemente transparente, fiable e eficaz e o Estado socio instaure políticas sectoriais ou macroeconómicas ben definidas, aprobadas previa avaliación realizada polos seus principais proveedores de fondos, incluídas, cando proceda, as institucións financeiras internacionais.

• Apoios sectoriais.

• En casos excepcionais, programas sectoriais e xerais de importación.

• Fondos postos a disposición do BEI ou outros intermediarios financeiros.

• Bonificacións dos tipos de interese, especialmente para os préstamos no sector ambiental.

• Redución da débeda, no marco de programas de redución da débeda aprobados en acordos internacionais.

• Subvencións destinadas ao financiamento de medidas presentadas polas entidades.

• Subvencións destinadas ao financiamento dos custos de funcionamento das entidades.

• O financiamento de programas de irmandade entre institucións públicas, autoridades locais, organismos nacionais públicos e entidades de Dereito privado aos que os Estados membros e os dos países e rexións socios confíen misiónns de servizo público.

• Contribucións a fondos internacionais, en particular, administrados por organizacións internacionais ou rexionais.

• Contribucións a fondos nacionais establecidos por países e rexións socios co fin de favorecer o financiamento conxunto de varios proveedores de fondos.

• Inversións de capital nas institucións financeiras internacionais e nos bancos de desenvolvemento rexionais.

• Os recursos humanos e materiais necesarios para a administración e a supervisión efectiva dos proxectos e programas por parte dos países e rexións socios.

Comentarios

No caso dos programas xeográficos, a Comisión establecerá un documento de estratexia e un programa indicativo plurianual para cada un dos países e rexións socios e adoptará un programa de acción anual para cada un dos países e rexións socios. No caso dos programas temáticos, a Comisión establecerá documentos de estratexia temática e adoptará programas de acción. E circunstancias excepcionais, o apoio da Comunidade poderá tamén plasmarse en medidas especiais non previstas nos documentos de estratexia e nos programas indicativos plurianuais.

A Comisión definirá as asignacións indicativas plurianuais dentro de cada programa xeográfico recorrendo a uns criterios normalizados, obxectivos e transparentes de asignación de recursos, baseados nas necesidades e nos resultados do país ou rexión socio de que se trate, e tendo presentes as dificultades concretas ás que fan fronte os países ou rexións en crises, en conflito ou proclives ás catástrofes, ademais da especificidade dos distintos programas.

Enlaces de Interese

• Resumo do regulamento