Financiamento comunitarioIntroduciónProgramasConvocatoriasAnuncios para a procura de sociosProcura de socios en Europa

A Unión Europea dispón de liñas orzamentarias que apoian financeiramente os ámbitos onde actúa: investigación, saúde, protección ambiental, etc.

Estas liñas son accesibles mediante a presentación de propostas de proxectos, nas que se esixen determinados requisitos como que conten cun enfoque innovador ou que se prevexa a difusión dos resultados do proxecto, de xeito que outras organizacións poidan beneficiarse destas experiencias a nivel europeo.

En moitas convocatorias esíxese, ademais, a colaboración con outros socios europeos de cara a aumentar o intercambio de boas prácticas e reforzar o carácter trasnacional dos proxectos.

Apoio e participación das entidades galegas en proxectos europeos

A FGE comprométese nos seus obxectivos coa promoción da participación galega en proxectos europeos. A través das súas dúas oficinas, anima a participación de entidades galegas, con especial atención ás pemes e as entidades locais, nestes proxectos, prestando o seguinte apoio:

• Asesoramento na presentación de propostas
• Axuda na procuras de socios
• Difusión dos resultados do proxecto
• Posta a disposición das instalacións da oficina de Bruxelas para o encontro cos socios e a organización de actos de difusión dos proxectos.

Dentro deste apartado web, recollénse os seguintes servizos para axudar ás entidades a desenvolver proxectos europeos:

• Programas de finaciamento comunitario dos períodos 14-20 e 07- 13 
• Convocatorias para proxectos dentro de cada un dos programas europeos.
• Información sobre entidades de toda Europa que procuran socios para participar conxuntamente en proxectos europeos.
• Iniciar unha procura de socios en Europa para traballar nun proxecto europeo.
• Procurar exemplos de proxectos europeos que se teñen desenvolvido en Galicia coa axuda da UE

A Fundación Galicia Europa ten publicado, ademais, diversas guías introductorias en papel que tamén poden consultarse en liña:

• Guía da Financiamento Comunitario 2014-2020 (ano 2014), centrada nas novas posibilidades que trae consigo o último período orzamentario da UE e en consellos sobre como presentar propostas de proxectos.
• Axudas e Programas da Unión Europea para Emprendedores (ano 2010) 
• Guía práctica de posibilidades de financiamento da UE (ano 2007)