Febreiro 2020

11, 12 e 13 de febreiro (Bruxelas). 138 Pleno do Comité Europeo das Rexións

O director xeral de Relacións Exteriores e coa UE da Xunta, Jesús Gamallo, representará a Galicia na 138 sesión plenaria do Comité Europeo das Rexións (CdR). Este pleno de febreiro de 2020 constituirá a sesión inaugural do 7º mandato do Comité Europeo das Rexións. É por iso que vai organizarse de forma diferente a un pleno ordinario, ao ter que constituírse o propio Comité e as súas comisións de traballo e ter que debatirse tamén a elección do novo presidente, vicepresidente primeiro, outros vicepresidentes e resto de membros da Mesa.