Subscríbete!
Se queres recibir a actualidade da UE no teu correo: noticias, convocatorias, procura de socios...
Axenda FGE
Aluguer de sala
Transparencia
Convocatorias UE
16/06/2021
A UE despexa o camiño para o Certificado COVID Dixital
- As institucións europeas celebran o fin do proceso lexislativo para poñer en marcha oficialmente o Certificado COVID Dixital o 1 de xullo de 2020.
- O Certificado permitirá aos cidadáns europeos gozar, de novo, do pleno dereito á libre circulación.
- O Regulamento sobre o Certificado COVID Dixital foi acordado entre as institucións europeas nun tempo récord de 62 días.
Bruxelas, a 16 de xuño do 2021. Os presidentes das tres institucións da UE, o Parlamento Europeo, o Consello da UE e a Comisión Europea asistiron onte á cerimonia oficial de firma do Regulamento sobre o Certificado COVID Dixital, que marca o final do proceso lexislativo.
Certificado COVID Dixital da UE:
O obxecto do Certificado COVID Dixital é facilitar a circulación libre e segura dentro da UE durante a pandemia de COVID-19. Todos os europeos teñen dereito á libre circulación, tamén sen o Certificado, pero este facilitará as viaxes, ao eximir aos seus titulares de restricións como a corentena.
O Certificado COVID Dixital da UE será accesible para todos e:
- abarcará a vacinación, as probas diagnósticas e a recuperación da COVID-19;
- será gratuíto e estará dispoñible en todas as linguas da UE;
- existirá en formato dixital e impreso;
- será seguro e incluirá un código QR coa firma dixital.
Os Estados membros absteranse de impoñer restricións adicionais de viaxe ás persoas titulares do certificado, a menos que ditas restricións sexan necesarias e proporcionadas para salvagardar a saúde pública.
Ademais, a Comisión comprometeuse a mobilizar 100 millóns de euros con cargo ao Instrumento de Asistencia Urxente para axudar aos Estados membros a facilitar probas diagnósticas alcanzables para todos aqueles cidadáns da UE que aínda non obtiveran as súas vacinas.
O Regulamento aplicarase durante doce meses a partir do 1 de xullo de 2021.
Contexto
O 17 de marzo de 2021, a Comisión Europea presentou unha proposta para crear un Certificado COVID da UE co que facilitar a circulación libre e segura dos cidadáns dentro da UE durante a pandemia. O 20 de maio, os colexisladores alcanzaron un acordo provisional. O 1 de xuño entrou en funcionamento a estrutura técnica dos sistemas, a pasarela da UE en seis Estados membros e, no que levamos de mes outros 13 países foron adheríndose á pasarela progresivamente.
Tras a súa firma oficial, o Regulamento entrará en vigor o 1 de xullo, cun período de transición de seis semanas para a expedición de certificados naqueles Estados membros que necesiten máis tempo.
Fonte: Comisión Europea
Máis información:
© Fundación Galicia Europa
Inicio Contacto Mapa Web Política de privacidad Política de Cookies Perfil de contratante