Subscríbete!
Se queres recibir a actualidade da UE no teu correo: noticias, convocatorias, procura de socios...
Axenda FGE
Aluguer de sala
Transparencia
Convocatorias UE
#EUROXuventude
www.fundaciongaliciaeuropa.eu / Unión Europea / Novas da UE / / #EUROXuventude / Oportunidades de traballo e prácticas07/01/2022
Aberto o prazo para solicitar as prácticas na Comisión Europea
- A data límite para inscribirse é o 31 de xaneiro.
Santiago de Compostela, 7 de xaneiro de 2022. O programa de prácticas da Comisión Europea, denominado Blue Book, ofrece ás persoas bolseiras a oportunidade de adquirir experiencia sobre os métodos de traballo da institución e outros organismos europeos, así como de poñer en práctica todos os seus coñecementos (teórico-prácticos) nos seus respectivos eidos profesionais, nun entorno de traballo internacional e multicultural.
Estas prácticas son remuneradas e teñen una duración de cinco meses, sendo o destino das mesmas as Direccións Xerais, servizos e axencias executivas da Comisión, principalmente. A convocatoria actual é para o período de outubro a febreiro.
Para poder participar neste programa, é preciso que a persoa candidata cumpra os seguintes requisitos:
- Dispoñer dunha titulación universitaria.
- Ter un bo coñecemento en polo menos dous dos idiomas oficiais da Unión Europea (unha delas de nivel C1), sendo una delas a lingua de traballo da Comisión (inglés, francés ou alemán).
- Non ter sido beneficiario/a, por un período de máis de seis semanas, de calquera tipo de prácticas nunha institución ou órgano europeo.
- Poderanse outorgar puntos adicionais por ter un perfil internacional (demostrado a través de experiencias como o voluntariado europeo ou ter estudiado no estranxeiro a través de programas como Erasmus+), pola calidade da carta de motivación redactada ou por ter escrito papers ou calquera outro tipo de publicación.
Nas Disposicións relativas ao programa oficial de prácticas da Comisión Europea poderás consultar toda a información relativa aos aspectos técnicos, requisitos e proceso da solicitude.
Accede ao procedemento a través da páxina web da Comisión.
A data límite para inscribirse é o 31 de xaneiro.
© Fundación Galicia Europa
Inicio Contacto Mapa Web Política de privacidad Política de Cookies Perfil de contratante