Subscríbete!
Se queres recibir a actualidade da UE no teu correo: noticias, convocatorias, procura de socios...
Axenda FGE
Aluguer de sala
Transparencia
Convocatorias UE
#EUROXuventude
www.fundaciongaliciaeuropa.eu / Unión Europea / Novas da UE / / #EUROXuventude / Oportunidades de traballo e prácticas04/11/2021
Aberto o prazo de inscrición para as bolsas Schuman do Parlamento Europeo
- O período de recepción de solicitudes está aberto até o 30 de novembro
Santiago de Compostela, 4 de novembro de 2021. O Parlamento Europeo vén de abrir o prazo de inscrición para solicitar as bolsas Schuman, dirixidas a mozas e mozos que desexen coñecer o funcionamento diario dunha das institucións máis representativas e importantes da Unión, así como formarse en competencias e habilidades relacionadas co traballo institucional.
Para inscribirse nestas bolsas, as persoas solicitantes deberán cumprir varios requisitos:
- Ter máis de 18 anos;
- Posuír a nacionalidade dun Estado membro;
- Ter unha titulación universitaria;
- Ter un coñecemento profundo de dúas linguas da Unión Europea; e
- Non ter desfrutado dunha bolsa en institucións europeas por máis de dous meses consecutivos nin ter realizado unha visita de estudos á Secretaría do Parlamento Europeo nos seis meses anteriores ao comezo das prácticas.
As bolsas Schuman son remuneradas e poden levarse a cabo nun dos lugares oficiais de traballo do Parlamento Europeo, como Bruxelas, Luxemburgo ou Estrasburgo, ou nas oficinas de enlace nos Estados membros.
Consulta a información sobre o procedemento de inscrición, que finaliza o vindeiro 30 de novembro, na páxina web oficial do Parlamento Europeo.
© Fundación Galicia Europa
Inicio Contacto Mapa Web Política de privacidad Política de Cookies Perfil de contratante