Axenda FGE

Aluguer de sala

Transparencia

Convocatorias UE

Bruxelas, 19 de abril de 2021. Ao longo do mes de maio, as empresas e organizacións que o desexen poden organizar talleres de concienciación para empregados, mesas redondas con expertos, campañas en redes sociais, colaboración con entidades sen ánimo de lucro para facer visible a diversidade nas empresas e outro tipo de organizacións a pesar da pandemia. Pódese solicitar a realización dunha actividade dentro deste marco nesta ligazón. 

O mes europeo da diversidade ten como obxectivo coñecer de primeira man os retos, oportunidades, fracasos e éxitos na xestión da diversidade por parte das empresas e organizacións. A pandemia supuxo un gran risco para a diversidade e inclusión, e nalgúns casos estas deixaron de ser prioritarias para as entidades. É por iso que este é un momento fundamental para asegurar unha maior inclusión e diversidade na contorna laboral. 

1) Rexistra as túas actividades e iniciativas na web da Comisión e acude á Guía de Boas prácticas.

A web estará habilitada durante todo o mes, polo que poderán presentarse proxectos no mesmo mes de maio. 

2) Utiliza a Guía de Social Media para personalizar co teu logo o material para redes sociais e adapta o teu material corporativo (web, email, perfil).

3) Difunde durante o mes de abril co teu persoal, clientes, empregados...esta iniciativa para que máis empresas se sumen.

4) Únete á campaña durante o mes de maio e utiliza os hashtags oficiais do mes: #EUDiversityMonth #MesEuropeoDeLaDiversidad

Algunhas das prácticas que propuxeron na guía son: lanzar unha campaña de concienciación en diversidade para os empregados, engadir un texto promocional na firma dos correos electrónicos, publicar historias persoais inspiradoras sobre diversidade e inclusión contadas por empregados, publicar un artigo sobre papel esencial que ten a diversidade na organización ou compartir boas prácticas sobre diversidade e inclusión nas redes sociais da empresa cos hashtags.

Así mesmo, tamén propón organizar actividades de formación, talleres ou seminarios para sensibilizar aos empregados, pedirlles que fagan unha serie de vídeos curtos onde presenten un aspecto concreto sobre a diversidade mediante historias persoais ou ofrecer a organización como voluntaria e facilitar actividades para os empregados en horario de traballo durante o Mes Europeo da Diversidade.

Pódese elixir un día concreto, unha semana ou todo o mes para centrarte na diversidade na túa organización. Cando se planifiquen as actividades débense ter en conta os días nacionais e internacionais do mes de maio. Pódense consultar no calendario da Diversidade 2021.

O Mes Europeo da Diversidade celébrase en 26 países da UE, polo que se a entidade ten oficinas noutros países, sería posible poñerse en contacto con eles para organizar accións en conxunto.

Finalmente, será necesario rexistrar as actividades na web da Comisión Europea.

Esta guía contén consellos para comunicar o Mes Europeo da Diversidade, ideas para personalizar os materiais visuais, exemplos de publicacións para redes sociais, marcos fotográficos para redes, exemplos de comunicación interna e externa e unha lista de contas ás que mencionar en Redes Sociais

A Comisión Europea comprometeuse a promover a diversidade e a inclusión e a combater a discriminación a través da lexislación. Isto contribuíu a lograr a igualdade e permitiu que millóns de persoas alcancen o seu máximo potencial. Con todo, institucións públicas, empresas privadas, organizacións sen fins de lucro, cidades, etc. deben traballar conxuntamente para construír contornas igualitarias e inclusivas. 

Un 59% da cidadanía europea cre que a discriminación por orixe étnica está moi estendida. Unha de cada tres persoas de ascendencia africana di sufrir acoso racista no últimos cinco anos. Por iso, o Mes Europeo da Diversidade 2021 traerá un enfoque adicional sobre a diversidade étnica cun evento de lanzamento co Comisario Dalli o 4 de maio de 2021.