Novas da UE

Bruxelas, 2 de decembro de 2020. A Comisión Europea presentou a Estratexia Farmacéutica para Europa para garantir que os pacientes teñan acceso a medicamentos innovadores e alcanzables, así como para fomentar a competitividade, a capacidade innovadora e a sustentabilidade da industria farmacéutica da UE. 

Esta estratexia extrae ensinos da resposta inicial á pandemia da COVID-19, polo que permitirá a Europa cubrir as súas necesidades farmacéuticas en momentos de crises e mellora a preparación e a resiliencia do sector farmacéutico europeo. Para iso, a nova estratexia farmacéutica investirá en cadeas de subministración sólidas, diversificadas e seguras que garantan a autonomía estratéxica da UE no mundo e promoverá o uso de produtos farmacéuticos sostibles co medio natural.

Así mesmo, a estratexia farmacéutica crea sinerxías co Pacto Verde Europeo e coas accións enmarcadas no Enfoque estratéxico da UE en materia de produtos farmacéuticos no medio natural para reducir o seu risco ambiental, abordar a contaminación provocada polos residuos farmacéuticos e promover unha fabricación, un uso e unha eliminación máis ecolóxicos destes. 

A  estratexia tamén garantirá que a política farmacéutica da UE continúe contribuíndo á saúde pública nunha contorna en plena evolución de transformacións científicas e comerciais, adaptándose ás innovacións do mundo dixital e tecnolóxico. E,  ademais, está en consonancia co novo Plan de acción sobre dereitos da propiedade intelectual presentado pola Comisión.

Deste xeito, a Comisión Europea presenta esta estratexia como unha compoñente clave da Unión Europea da Saúde que contribuirá a establecer un sistema farmacéutico da UE que sexa máis resistente ás crises. Esta Estratexia ten catro obxectivos principais que son:

En definitiva, a Estratexia Farmacéutica para Europa marca o inicio dun proceso e a súa aplicación inclúe un ambicioso programa de medidas lexislativas e non lexislativas que se poñerá en marcha ao longo dos próximos anos para reformar todo o sistema farmacéutico europeo.

Fonte: Comisión Europea