Unión EuropeaGalicia en EuropaTraballo e prácticasLicitacións na UENovas da UEPlan de Recuperación para EuropaResposta europea á COVID-19#EUROXuventude A túa voz en EuropaLigazóns de intereseResposta da UE á Covid-19

15/09/2020

5G: Europa avanza no reto da ciberseguridade

Bruxelas, 15 de setembro do 2020. Os Estados membros da UE, a Comisión Europea e a Enisa (Axencia da UE para a Ciberseguridade) publicaron recentemente un informe sobre os progresos na aplicación das medidas de reducción do risco acordadas no mes de xaneiro do 2020 de cara ao despregue das redes 5G. Este acordo recolle instrumentos clave para protexer a información sensible que circulará por estas redes como, a avaliación dos perfís de risco dos provedores, aplicar as restricións pertinentes a aqueles considerados de alto risco e contar con estratexias que garantan a diversificación dos mesmos. Uns mecanismos que cos que se tratará de asegurar a apertura continuada do mercado único dixital.

O informe publicado recolle os diferentes avances que se están a levar a cabo por parte dos Estados membros. Entre os puntos máis destacados están os seguintes: 

• As competencias das autoridades nacionais de regulamentación para regular regular a seguridade das redes 5G foron ou están a ser reforzadas pola inmensa maioría dos países, inlcuidas as competencias para regular a adquisición de equipos e servizos de rede por parte dos operadores.
• Xa se implantaron e/ou se atopan en avanzado estado de implantacíon, as medidas destinadas a restrinxir a participación dos provedores en función do seu perfil de risco.
• Os requisitos de seguridade e  resiliencia da rede para os operadores móbiles xa se están a revisar na maioría dos Estados membros.

O informe tamén detalla aqueles puntos nos que conveñen avances significativos como:

• En paliar o risco de dependencia de provedores de alto risco.
• Buscar unha solución aos desafíos identificados á hora de deseñar e impoñer estratexias adecuadas baseadas en múltiples provedores aos operadores de redes móbiles ou a nivel nacional debido a dificultades técnicas ou operativas.
• Adoptar medidas para introducir sen demora un mecanismo nacional de control dos investimentos estranxeiros directos en trece Estados membros nos que aínda non está en vigor, en particular con vistas á próxima aplicación do marco de control dos investimentos da UE a partir de outubro de 2020.

Ademais, este informe establece unhas recomendacións para que a aplicación llos instrumentos sexan máis eficiente e coordinada como, un maior intercambio de información acerca dos desafíos, mellores prácticas e solucións para a aplicación das medidas, que se manteña unha supervisión continuada e que se garanta que os proxectos de 5 G financiados con diñeiro público teñan en conta os riscos en materia de  ciberseguridad.

Máis información:

Informe completo

Acordos, xaneiro 2020 

Comunicado oficial