2015

Informe mensual de actividades maio 2015

Cómpre destacar neste mes a reunión de Comisión Recursos Naturais do Comité das Rexións na que o membro suplente en representación de Galicia, Jesús Gamallo, presentou un documento previo ao ditame sobre o futuro da acuicultura do que é relator. Os representantes locais e rexionais membros desta comisión, ademais dun alto funcionario da Comisión Europea e varios representantes de asociacións de produtores e mariscadores, debateron sobre este documento,  achegando as súas contribucións de cara a elaboración do proxecto de ditame que será debatido no mes de xuño.

Por outro lado, con motivo do día de Europa, a FGE organizou un debate de exhibición sobre o proxecto europeo, no que 10 estudantes pertencentes ao Club de Debate da Universidade de Santiago de  Compostela debateron a favor e en contra da pregunta “É esta a Europa que queremos?”, abordando así dende diferentes perspectivas os retos aos que se vén enfrontando a UE nos últimos anos. 

Documentos para descarga

• Informe de actividades maio 2015Tamaño: 346,23kB, nº adjunto 1318