Se queres recibir a actualidade da UE no teu correo: noticias, convocatorias, procura de socios...
Cómpre
destacar neste mes a participación na 111º sesión plenaria do Comité das
Rexións, onde Galicia demandou máis medidas de apoio para o sector lácteo
presentando ata 11 emendas a un ditame sobre este sector coas que conseguiu que
se incluíse un chamamento para eliminar situacións de abuso dos compradores
sobre os produtores.
Este
mes tamén se celebrou unha reunión coas partes interesadas no proxecto de
ditame sobre o futuro da acuicultura europea do que o director xeral de
Relacións Exteriores e coa UE, Jesús Gamallo, é relator no seo do Comité das
Rexións. No debate participaron unha decena de organizacións a nivel europeo
tanto de ámbito ambiental como de representantes de produtores.
Por
outro lado, a FGE participou en máis dunha decena de seminarios e reunións en
Bruxelas co obxectivo de facer un seguimento de asuntos de actualidade
comunitaria que poden ser de interese para Galicia: dende os detalles do Plan
de Investimentos para Europa ata o funcionamento do Fondo Europeo de Axuste á
Globalización.
En
Santiago, a FGE participou nunhas xornadas informativas sobre oportunidades de
prácticas e saídas laborais para mozos universitarios celebrada na Facultade de
Ciencias Políticas, ademais de responder a catro consultas e publicar no portal
web 14 convocatorias para a participación en proxectos europeos.
© Fundación Galicia Europa
Inicio Contacto Mapa Web Política de privacidad Política de Cookies Perfil de contratante